तेजिन्द्र गन्धर्व र रचना रिमालको स्वरमा”बल्छी कॉंडैले” सार्बजनिक
धनकुटा । धेरै पहिलेबाट नेपाली साहित्य क्षेत्रमा एक पृथक प्रस्तुति र पहिचानका साथ लागि रहनु भएका इन्द्रसुर बेल्टारेको शब्द रचनामा”बल्छी कॉंडैले” गीत सार्बजनिक भएको छ ।
पेशाले ओभरसियर रहेका बेल्टारेले उक्त गीतमा गायक तेजिन्द्र गन्धर्व र गायिका रचना रिमालको स्वरमा रहेको छ ।
गीतको लय संकलन तेजिन्द्रको रहेको छ भने एरेन्ज मनोज साङ्सोन राईले गरेका छन् ।
राजु कार्कीको मिक्सिङ र मास्टरिङ तथा सुरेश राई र मनोज साङ्सोन राईले रेकर्ड गरेको यस गीतलाई जस्केलो क्रिएसनले स्टुडियो भिडियो बनाएको छ ।
र यो पनि पढ्नुहोस्…
वाग्मतीमा फोहर फाल्ने तीन कम्पनी कारवाहीमा
पूर्णप्रसाद मिश्र,काठमाडौँ, १७ माघ (रासस) ः वाग्मती सफाइ महाअभियानको ४०३औँ हप्तामा नदी किनारमा फोहर फाल्ने तीन कम्पनीलाई कारवाही गरिएको छ । तीनकुनेस्थित नदी किनारमा सफाइका क्रममा काठमाडौँ महानगरपालिकाले नदी किनारमा फोहर फालेका गरिमा वर्कशप तीनकुनेलाई रु दुई हजार, विनोद पानपसल आलोकनगरलाई रु एक हजार र बानेश्वर क्याफे आलोकनगरलाई रु ५०० जरिवाना गरिएको अभियानकर्मी गोविन्द काफ्लले राससलाई जानकारी दिनुभयो । गरिमा वर्कशपलाई यसअघि पनि नदी किनारमा फोहर नफाली तोकिएको स्थानमामात्र व्यवस्थापन गर्न काठमाडौँ महानगरपालिका वातावरण व्यवस्थापन विभागले चेतावनी दिएको थियो ।
जरिवाना गरिएको शुल्क महानगरपालिकाकै कोषमा जम्मा हुने गरेको छ । ४०३ औँ हप्ताको सफाइमा अधिकार सम्पन्न वाग्मती सभ्यता एकीकृत विकास समिति, विश्व शान्ति विहार मीनभवन, पहिलो पाइला, नेपाल आमा, आलोकनगर महिला समूहलगायतका गरी १०० जनाभन्दा बढी अभियानकर्मीको सक्रियता थियो । सफाइमा अभिनेत्री नीता ढुङ्गाना पनि सहभागी हुनुभएको थियो । सफाइबाट १० मेट्रिकटन फोहर व्यवस्थापन गरिएको पनि उहाँले बताउनुभयो ।
