मिलनसार देखिए छथर जोरपाटीका नागरिक
नारायण कुमार राई/धनकुटा २५,माघ । छथर जोरपाटी गाउँपालिकाका नागरिकहरु मिलनसार रहेको पालिकाको तथ्यांकले देखाएको छ । पालिकाको ३ बर्ष यता न्यायीक समितिबाट सेवा लिनेको संख्यामा बृद्धि भए संगै मेलमिलाप गर्नेको संख्यामा पनि उल्लेखनिय प्रगति देखिएको छ ।
जनप्रतिधिनिहरु निवार्चित भएको बर्ष आर्थिक बर्ष ०७४÷०७५ मा ११ वटा उजुरी परेकोमा ९ वटा उजुरीकर्ताहरुले मेलमिलाप गरेका थिए । उक्त संख्या बढेर ०७५÷०७६ मा ३९वटा उजुी परेकामा ३० वटा र आ.ब.०७६÷०७७ मा ४८ वटा उजुरी परेकोमा ३५ वटा मुद्धाहरु मिलापत्र भएका थिए ।
चालु आ.ब.को हाल सम्म परेको ६ वटा मुद्धामा ४ वटा मिलापमा भईसकेका छन् ।
बर्षौ देखि बिभिन्न कारणबाट न्याय नपाएका र अदालत तथा न्यायलय जान नसकेकाहरु न्यायीक समितिमा आकर्षित भएको पालिका उपाध्यक्ष तथा समितिका प्रमुख भीमकला श्रेष्ठको भनाई रहेको छ ।
‘सरल र सहज वातावरणमा दुबै पक्षको जीत हुनेगरी उनीहरुकै छलफलको आधारमा सेवा प्रदान गरिने भएकाले संख्यामा बृद्धि हुनका साथै मेलमिलाप गराउन सहज भएको हो’–श्रेष्ठले जानकारी दिनुभयो ।
हाल सम्म १०४ वटा उजुरी परेको पालिकाले ७६ ओटा मेलमिलाप गराएको छ । जसमा १२ वटा महिला हिं सा,२३ वटा लेनदेन,२२ वटा जग्गा बि वाद र अन्य ४५ वटा मुद्धा फच्र्यौट गरिएको छ ।
