यसरी गरियो धनकुटाका विद्यालयहरुमा सरस्वती पुजा
धनकुटा,४ फागुन । प्रत्येक वर्ष माघ शुक्ल पञ्चमीका दिन मनाईने श्रीपञ्चमी पर्व विद्याकी देवी सरस्वतीको पूजा आराधना गरी धनकुटामा समेत मनाइएको ।
ऋतुहरूको राजा वसन्तको सुरुवात हुने दिन भएकाले आजको दिनलाई वसन्त पञ्चमी पनि भनिन्छ । संगीत, कला, साहित्य र विद्याकी खानी सरस्वतीको पूजा आराधना गरी धनकुटाका शैक्षिक संस्थामा विद्यार्थीले मनाएका छन ।
विद्यार्थीहरुले स्तोत्र पाठ गरेमा पढ्न आउँछ भन्ने धार्मिक विश्वास छ।आजकै दिन साना बालबालिकालाई अक्षरारम्भ गराइन्छ। सरस्वतीलाई महाविद्या, महावाणी, भारती, वाक्, शारदा, आर्या, ब्राह्मी, कामधेनु, वेदगर्भा, धीश्वरी नामले समेत सम्बोधन गरिन्छ।
