बज्रमाई माबिले मनायो आफ्नो ४३ औं बार्षिकोत्सव
धनकुटा,फागुन ४ । चौविसे गाउँपालिका ५ बोधेको वज्रमाई माध्यमिक विद्यालयले आज आफ्नो ४३ औँ वार्षिकोत्सव मनाएको छ ।
सरस्वती पूजाको अवसर पारी एक ार्यक्रमको वीच विद्यालयले आफ्नो वार्षिकोत्सव मनाएको हो । विद्यालय व्यवस्थापन समितिका अध्यक्ष तथा वडा नं ५ का वडा सदस्य गोविन्द बस्नेतको अध्यक्षतामा सम्पन्न कार्यक्रममा विद्यालयको वार्षिक प्रतिवेदन विद्यालयका प्रधानाध्यापक ढकेन्द्र सुवेदीले प्रस्तुत गर्नु भयो । कार्यक्रममा मनोरञ्जनात्मक कार्यक्रम साथै खेलकुद कार्यक्रम पनि सञ्चालन गरिएको थियो ।
खेलकुद कार्यक्रममा विस्कुट दौड तर्फ योगेश याखा प्रथम , सुदिप अधिकारी दोश्रो र आरती याख्खा तेश्रो भएका छन् । त्यस्तै तातो आलु खेलमा क्रमश जमुना बस्नेत ,उज्वल खड्का ,रवी बस्नेत प्रथम , द्धितीय , तृतिय भएका छन् । कुर्सी घुमाई खेलमा सुदिप वि क पहिलो , शेखर बस्नेत दोश्रो र सम्झना न्यौपाने तेश्रो भएका छन् । उनिहरुलाई कार्यक्रमका प्रमुख अथिति तथा अतिथिहरुले पुस्कार वितरण गरेको विद्यालयले जनाएको छ ।
५ नं वडा का वडा अध्यक्ष पदम कुमार देवानको प्रमुख आतित्यथामा सम्पन्न कार्यक्रममा स्वागत मन्तव्य शिक्षक यादव प्रसाद ढकालले राख्नु भएको थियो । कार्यक्रममा शिक्षक अभिभावक संघका अध्यक्ष गजेन्द्र बस्नेत सहित शिक्षक ,विद्यार्थी ,अभिभावकहरुको उपस्थिति थियो ।
