फोनिज धनकुटाले स्मारिका पुस्तक प्रकाशन गर्ने
धनकुटा,फागुन ६ । नेपाल आदिवासी जनजाती पत्रकार महासंघ धनकुटाले अहिलेसम्म गरिएको कार्य लगायत विविध विषयलाई समेटेर स्मारिका पुस्तक प्रकाशन गर्ने गरेको छ ।
नेपाल आदिवासी जनजाति पत्रकार महासंघ धनकुटाको आज बसेको बैठकले त्यस्ताे निर्णय गरेको हो ।
धनकुटामा आदिवासी जनजाति पत्रकारहरूको एेतिहासिक पृष्ठभुमि,आदिवासी जनजाति आन्दोलनमा धनकुटाका संचारकर्मीहरूको योगदान लगायत धनकुटा जिल्लामा रहेका विभिन्न जातजातिको भाषा,संस्कार,सँस्कृति संरक्षणमा आदिवासी जनजाति पत्रकारहरूको अवस्था योगदान लगायतका विषय वस्तुलाई समेटेर स्मारिका पुस्तक निकाल्न लागिएको शाखा अध्यक्ष सन्तबीर लामाले बताउनु भयो ।
बैठकले स्मारिका प्रकाशनका लागि सम्पादक मणडल,सल्लाहकार समिति,कानुनी सल्लाहकार समेत चयन गरेको छ ।
