तामाङ मौलिक बाजा टुङना,डम्फू र सम्भोटा लिपि प्रशिक्षण सम्बन्धि सात दिने तालिम शूरु
धनकुटा,चैत ५ । नेपाल तामाङ घेदुङ जिल्ला समन्वय समिति धनकुटाको आयोजनामा तामाङ मौलिक बाजा टुङना डम्फू र सम्भोटा लिपि प्रशिक्षण सात दिने तालिम आज बाट हिलेमा शूरु भएको छ ।
नेपाल तामाङ घेदुङ जिल्ला समन्वय समिति धनकुटाका अध्यक्ष विष्णु मोक्तानको अध्यक्षतामा सञ्चालित तालिमको आज एक कार्यक्रमका वीच उद्घाटन गरिएको छ । तालिममा नेपाल ताम्बा संघका केन्द्रीय अध्यक्ष धावा वाङ्गेल मोक्तानले प्रशिक्षण दिइरहनुभएको छ। तालिममा धनकुटा जिल्लाका विभिन्न स्थानीय तहका तामाङ समुदायको सहभागीता रहेको छ ।
तालिममा तामाङ समुदायको मौलिक बाजा डम्फू तथा टुङना बजाउने र बनाउने र तामाङ सम्भोटा लिपि पढ्न सिकाउने आयोजकले जनाएको छ ।
तालिमको उद्घाटन कार्यक्रममा कार्यक्रमका अतिथिहरू नेपाल तामाङ घेदुङका संघीय सदस्य लालचन गोङबा, आदीवासी जनजाती महासंघ जिल्ला समन्वय समिति धनकुटाका अध्यक्ष सञ्जय सन्तोषी राई, घेदुङका निवर्तमान अध्यक्ष सीता राम थिङ , घेदुङका प्रदेश सदस्य गंगाराम गोम्देन , घेदुङका नगर अध्यक्ष कुल बहादुर तितुङ , सदस्यहरूको उपस्थिती थियो ।
