तामाङ मौलिक बाजा टुङना,डम्फू र सम्भोटा लिपि सम्वन्धि सात दिने प्रशिक्षण सम्पन्न
धनकुटा,चैत ८ । नेपाल तामाङ घेदुङ जिल्ला समन्वय समिति धनकुटाको आयोजनामा धनकुटाको हिलेमा सञ्चालित तामाङ माैलिक बाजा टुङना डम्फू र सम्भोटा लिपि सम्वन्धि सात दिने प्रशिक्षण तालिम आज सम्पन्न भएको छ ।
नेपाल तामाङ घेदुङ जिल्ला समन्वय समिति धनकुटाका अध्यक्ष विष्णु मोक्तानको अध्यक्षतामा सञ्चालित तालिमको आज एक कार्यक्रमका वीच समापन गरिएको हो ।
नेपाल तामाङ घेदुङ संघीय सदस्य तथा धनकुटा नगरपालिका वडा नं १ का कार्यबाहक वडा अध्यक्ष लालचन्द्र गाेङबा तामाङकाे प्रमुख आतिथ्यमा तालिमको समापन गरिएको हो ।
प्रमुख अतिथि गाेङबा तामाङले तामाङ समुदायको भाषा धर्म , संकार संस्कृति , बजाउन तथा विकास गर्नका लागि विभिन्न प्रयास भईरहेकाे बताउनु भयो साथै उहाले आगामी दिनमा पनि आवश्यक सहयोग गर्ने प्रतिबद्धता व्यक्त गर्नु भयो ।
तालिममा ताम्बा संघका केन्द्रीय अध्यक्ष धावा वाङ्गेल माेक्तानले प्रशिक्षण दिनुभएकाे थियोे । सात दिने तालिममा धनकुटा जिल्लाका विभिन्न स्थानीय तहका तामाङ समुदायको सहभागीता रहेको तालिममा तामाङ समुदायको माैलिक बाजा डम्फू तथा टुङना बजाने र बनाउने र तामाङ सम्भोटा लिपि पढ्न सिकाएको आयोजकले जनाएको छ ।
तालिमको समापन कार्यक्रम घेदुङका सहसचिव धन बहादुर माेक्तानले सञ्चालन गर्नु भएको थियोे ।
