२० करोड वरावरको पर्यटकीय संरचना वनाउने गुरु योजना तयार
धनकुटा,चैत ११ । धनकुटा नगरपालिका १ हिलेमा रहेको पर्यटनको जग्गामा २० करोड वरावरको पर्यटकीय संरचना वनाउने गुरु योजना तयार गरि पर्यटन प्रवद्र्धन तथा पूर्वाधार विकास सँस्था हिलेले आज धनकुटा नगरपालिका १ नं वडा कार्यलयलाई पेश गरेको छ ।
पूर्वकै प्रमुख व्यापरिक केन्द्र तथा पर्यटकीय स्थलको रुपमा परिचित हिले वजार नजिक रहेको १३२ रोपनी जग्गामा आगामी आर्थिक वर्षदेखी काम शूरु गर्ने गरी गुरु योजना तयार गरि १ नं वडाध्यक्ष निरेन तामाङलाई हस्तान्तरण गरिएको संस्थाका अध्यक्ष खगेन्द्र कुमार विष्टले जानकारी दिनुभयो ।
संस्थाको निक्कै लामो कसरत र प्रयासपछि संघिय सरकारको आर्थिक सहयोगमा २० करोड लागत लाग्ने गरि ऐतिहाँसिक पर्यटकीय संरचना निर्माणको गुरुयोजना तयार गरिएको अध्यक्ष विष्टले वताउनु भयो । गूरुयोजना अनुसार यहाँ १३२ रोपनी जग्गा क्षेत्रफलमा चिलडे्रन पार्क, स्वीमीङ पुल,म्यूजियम, अत्याधुनिक भ्यूटावर सहितका संरचनाहरु निर्माण गरिने छ ।
उल्लेखित संरचनाहरु निर्माण भएपछि धेरै पर्यटकहरुलाई यहाँ ल्याउन सकिने भएकोले हिलेको मात्र नभई जिल्ला कै विकासमा थप टेवा पुग्ने अपेक्षा रहेको अध्यक्ष विष्टले वताउनुभयो ।
