नेल्टा प्रदेश १ को दोश्रो अधिवेसनबाट १३ सदस्यीय प्रदेश कार्य समिति गठन
धनकुटा,चैत १४ । नेपाल पशु स्वास्थ्य सेवा प्राविधिक संघ (नेल्टा) प्रदेश १ को दोश्रो अधिवेसनबाट १३ सदस्यीय प्रदेश कार्य समिति गठन गरिएको छ ।
आज धनकुटाको उत्तरपानीमा सम्पन्न नेल्टाको दोश्रो अधिवेशनबाट गठित प्रदेश समितिका अध्यक्षमा पुरुषोत्तम पाण्डे,उपाध्यक्षमा दिलीप गौतम,महिला उपाध्यक्ष कमला राउत काफ्ले,सचिवमा पूर्ण कुमार श्रेष्ठ, सहसचिवमा आकाश घिमिरे र कोषाध्यक्षमा बालकृष्ण दाहाल रहेका छन् ।
त्यस्तै अन्य सदस्यहरुमा धन वहादुर मोक्तान,नगेन्द्र महतो,सविन भट्टाई लगायत रहेकाछन् । १ नं प्रदेशसभा सदस्य लिला सुव्वाको प्रमुख आतिथ्य तथा ९नेल्टा० का प्रदेश नं १ का संयोजक पुरषोत्तम पाण्डेको अध्यक्षता सञ्चालित नेल्टाको अधिवेशनको खुल्ला सत्रमा प्रदेश १ का विभिन्न जिल्लाका ११ जना पुशुपालक व्यवसायी किसान र ८ जना सेवा निवृत कर्मचारीहरुलाई सम्मान पत्र सहित दोसल्ला ओढाएर सम्मान गरिएको नेल्टाका केन्द्रिय उपाध्यक्ष गोरख वहादुर तामाङले वताउनुभयो ।
अधिवेशनको खुल्ला सत्रलाई प्रदेश सभा सदस्य सुव्वा सहित नेपाली कांग्रेस धनकुटाका उपसभापति नविन किशोर शाक्य,नेल्टाका केन्द्रिय अध्यक्ष जनक रावल लगायतले सम्वोधन गरेका थिए ।
अधिवेशनलाई सम्वोधन गर्ने वक्ताहरुले राज्यले पशुपालक तथा कृषी पेशालाई प्रमुख प्रथामिकतामा राख्न आवश्यक रहेकोमा जोड दिएका थिए ।
