देउजा वंश प्रतिष्ठानको ११ औं अधिवेशन सम्पन्न
धनकुटा,चैत १४ । देउजा वंश प्रतिष्ठानको ११ औं अधिवेशन आज धनकुटाको पाख्रीवास ५ डडुवामा सम्पन्न भएको छ ।
पाख्रीवास नगरपालिकाका नगर प्रमुख वृष वहादुर राईको प्रमुख आतिथ्य तथा प्रतिष्ठानका केन्द्रिय अध्यक्ष हरिशरण देउजाको अध्यक्षतामा सम्पन्न अधिवेशनले १५ सदस्यीय केन्द्रिय कमिटी गठन गरेको छ ।
कमिटीको अध्यक्षमा हरिशरण देउजा,उपाध्यक्षमा लोक वहादुर र गोपाल देउजा,सचिवमा नित्र देउजा र कोषाध्यक्षमा दीपक देउजा रहेका छन् ।
त्यस्तै अन्य सदस्यहरुमा चन्द्र देउजा, रमेश देउजा, गणेश वहादुर देउजा लगायत रहेको देउजा वन्धु प्रतिष्ठान प्रदेश १ का उपाध्यक्ष श्याम देउजाले जानकारी दिनुभयो ।
अधिबेसनमा देशभरका ३१ जिल्लामा बसोबास गर्ने देउजाहरुको उपस्थिति रहेको थियो । धनकुटा,झापा,सुनसरी,भक्तपुर, लम्जुङ,तनहुँ लगायतमा रहेका देउजाहरुले कार्यक्रम भव्य र एकआपसमा भातृत्व र सदाचारको भावना अझ प्रगाढ भएको बताएका छन् ।
भेलामा गोबिन्द बहादुर देउजाले सिलोक , श्याम बहादुर देउजाको समुहले भजन , गोमा र मिठी देउजाले वंशिय गाना गाएर वंशको इतिहास,परिचय,परम्परा र संकृतिलाई उजागर गर्नुभएको थियो ।
मन्तव्य राख्ने क्रममा मेयर राईले आफुले पनि देउजाको वंश खोजको कार्य देखेर उत्साहित रहेको र आफुले पनि यस कार्यक्रमबाट वंश, इतिहासको महत्वबारे धेरै बुझेको बताउनुभयो साथै देशभर छरिएर बसेका देउजालाई आफ्नो नगरपालिकामा स्वागत गर्न पाउँदा आफुलाई अत्यन्तै गौरव लागेको समेत वहाँले बताउनुभयो ।
कार्यक्रममा देउजाहरुले प्रयोग गर्ने देउजेकुलो स्थापनाको १०० वर्ष पूरा भएको अवसरमा स्वर्ण जयन्ती समेत मनाइएको थियो ।
