कालिम्पोंगबाट नेपाल आएर मेरिनाले गाइन् “उडी जाने बनचरीको” (भिडियो)
धनकुटा । गीत-संगीत,साहित्यलाई न कुनै सीमाले नै छेकिन्छ न त दूरीले नै । हुन त भारत जन्मभूमि भइ नेपाली गीत-संगीत र साहित्यलाई यो स्थानसम्म ल्याइ पुराउनमा थुप्रै अग्रज कलाकार,स्रष्टाहरुको अतुलनिय योगदान रहेको सर्वविदित छ ।
भारतको कालिम्पोंग स्थायी घर भएर हाल कक्षा १२ मा अध्ययन गरिरहेकी एक प्रखर स्वरकी धनी गायिका हुन् मेरिना लेप्चा । कलेज जॉंदा सानो एउटा गीत गाएर साथीहरुले फेसबुकमा लगाएपछि रातारात भाइरल भएकी लेप्चा अप्रत्यासित रुपमै त्यतिकै गाएको गीत त्यस्तो दर्शकहरुले मन पराइदिनु हुन्छ होला भन्ने नसोचेको बताउंछिन् ।
त्यही गीत नेपालका चर्चित संगीतकार तथा गायक बिक्रम राईले पनि सामाजिक संजालमा देखेर प्रतिक्रिया दिएपछि गायिका लेप्चा संग पहिलो सम्पर्क भयो । त्यति मिठो स्वरकी प्रतिभालाई संरक्षण र दर्शक सामु ल्याउने सोंचका साथ काठमाडौ बोलाइने र गीत रिकार्ड पनि गराइन् ।
लेप्चाको स्वर यति मिठो छ सायदै नयॉं आएका कुनै पनि गायिकाहरुमा त्यो मिठास भेटिंदैन । संगीतको कुनै औपचारिक शिक्षा नलिएकी तर सानै उमेरदेखि स्कुलतिर भने गाउने गरेको लेप्चा बताउंछिन् ।
दुई बर्ष अगाडि नै शिक्षिका पेशामा आवद्द लेप्चाकी आमाको देहान्त भएको र अहिले बुबाले नै सबै जिम्मेवारी सम्हाल्दै आएको बताउंछिन् ।
भर्खरै लेप्चाको स्वरमा रहेको ‘उडी जाने बनचरीको’ गीत युट्युब मार्फत सार्बजनिक भएको छ । दुर्लभ जन्तरेको शब्द र बिक्रम राईको संगीत रहेको यो गीत एकपल्ट सुनेपछि फेरि पनि सुनौं लाग्छ ।
