एसिस्टेन्ट वेटर र ईण्डियन कुक सम्वन्धि ६५ दिने तालिम शुरु
धनकुटा । धनकुटा १ हिलेमा एसिस्टेन्ट वेटर र ईण्डियन कुक सम्वन्धि ६५ दिने तालिमको आज उद्घाटन गरिएको छ ।
ब्रिलियण्ट मेनपावर ट्रेनिङ सेन्टरको आयोजना तथा नेपाल सरकार उद्योग वाणिज्य तथा आपूर्ति मन्त्रालय ग्रामिण उद्यम तथा विप्रेषण आयोजना (समृद्वी)को आर्थिक सहयोग तथा हेल्भेटास नेपालको प्राविधिक सहयोगमा ३९० घण्टाको तालिम सञ्चालन गरिएको हो ।
तालिममा सहभागी मध्ये २०, २० जनाको दुई समूह गरि ४० जनालाई ईण्डियन कुक र २० जनाको समूहलाई एसिस्टेण्ट वेटरको तालिम दिईने ब्रिलियन मेनपावर ट्रेनिङ सेन्टरका डिस्ट्रिक काेअर्डिनेटर रामप्रसाद विश्वकर्माले वताउनुभयाे ।
कृषि तथा गैर कृषि क्षेत्रमा आयआर्जन सम्वन्धि क्रियाकलाप गर्न सभ्य लघु,घरेलु तथा साना उद्यम प्रादान गर्न तथा ग्रामिण गरिव घरपरिवार,अाप्रवासी घर परिवार र अाप्रवासन बाट फिर्ता भएकाहरुका लागि दिगो आय आराजनको श्रोत प्रदान गर्ने लक्षका साथ तालिमको आयोजना गरिएको डिस्ट्रिक काेअर्डिनेटर विश्वकर्माले जानकारी दिनुभयाे ।
तालिम उद्घाटन कार्यक्रममा बोल्दै धनकुटा नगरपालिका १ का कार्यवाहक अध्यक्ष लालचन्द्र गाेम्वाले स्थानिय युवाहरुलाई घरदैलोमै आएर यस्ता तालिम दिएको प्रति आयोजकलाई धन्यवाद दिदै तालिम सिकेपछि युवाहरुले स्थानिय स्तरका हाेटलहरु मै रोजगारीको सुनिश्चतता गराउन व्यक्तिगत तथा स्थानिय सरकारको तर्फबाट पहल गर्ने वताउनुभयो ।
कार्यक्रमका उद्योग वाणिज्य संघ धनकुटाका उपाध्यक्ष तथा होटल एशोसियसनका अध्यक्ष खगेन्द्र कुमार विष्ट, हिले प्रहरी चाै प्रतिनिधि, मातृभूमी महिला समाजका प्रतिनिधि लगायतको उपस्थिती थियाे ।
स्वागत मन्तव्य प्रशिक्षक कमल घिमिरेले राख्नुभएकाे थियाे । सञ्चालन सुनिल सिंहले गर्नुभएकाे थियाे । तालिममा मुख्य प्रशिक्षकहरु अजित कर्ण,कमल घिमिरे र समीर थापाले प्रशिक्षण दिनेछन् ।
