पुर्वाञ्चल गट ट्यालेन्ट सिजन ४ को अडिसन भोली बाट
धनकुटा, ३ बैशाख । टिन्ज कृउ डान्स सेन्टर र सरस्वती युवा क्लब धनकुटाको संयुक्त आयोजनामा हुन गइ रहेको गायन तथा नृत्य प्रतियोगिताको पुर्वाञ्चल गट ट्यालेन्ट सिजन ४ को को अडिसन भोली बैशाख ४ गते बाट सुरु हुने भएको छ ।
प्रदेश न १ का सोलुखुम्बु र पाँचथर बाहेकका जिल्लामा संचालन हुने यो प्रतियोगिता भोली बैशाख ४ गते बाट इलाममा पहिलो अडिसन भएर सुरु भएर बैशाख २५ गते धनकुटामा अडिसन गर्दै समापन हुने कार्यक्रम संयोजक सुमन योगीले जानकारी दिनु भयो ।
प्रतियोगिताको निर्णयकहरुमा बरिष्ठ एवम् चर्चित गायक प्रमोद खरेल,बुद्धिलिम्बु,बिनु शाक्य र सुमन योगी रहनु भएको छ । यस प्रतियोगितामा उत्कृष्ट हुनेले स्कुटर प्राप्त गर्नु हुने साथै दुबै विधाका प्रथम हुने प्रतियोगिहरुको ५ लाख बराबरको जीवन विमा समेत गरिने प्रतियोगिता संयोजक योगीले जानकारी दिनु भयो ।
अडिसन बैशाख ४ गते इलाम, बैशाख ६ गते झापा र उदयपुर , बैशाख ८ गते सुनसरीको इटहरी, बैशाख ९ गते मोरगको विराटनगर, बैशाख ११ गते तेह्रथुम, बैशाख ११ गते ताप्लेजुग, बैशाख १२ गते बसन्तपुर, बैशाख १४ गते संखुवासभा, बैशाख १५ गते चैनपुर, बैशाख १६ गते खोटाग २० गते ओखलढुगा र बैशाख २५ गते धनकुटामा अडिसन हुने भएको छ ।
अडिसन नहुने जिल्लाहरु बाट अनलाईन अडिसन दिन समेत सकिने कार्यक्रम संयोजक सुमन योगीले जानकारी दिनु भयो ।
