धनकुटाको एक होटलमा झु’ण्डिएको अवस्थामा एक महिलाको शव फेला
धनकुटा । धनकुटाको एक होटलमा सलले पा सो लगाई झु’ण्डिएको अवस्थामा एक महिलाको शव फेला परेको छ ।
धनकुटा नगरपालिका ६ स्थितको महालक्ष्मी होटलको एक कोठामा भोजपुर तिवारी भञ्ज्याङ १ की ४० वर्षकी कमला मगरको शव झुण्डिएको अवस्थामा फेला परेको जिल्ला प्रहरी कार्यलय धनकुटाले जनाएको छ ।
प्यारालाईसिस रोगको समस्याले पीडित उनि उपचारको शिलशिलामा धनकुटा आई विगत १० ११ दिनदेखी सोही होटलको कोठा नं १०३ मा वस्दै आएको खुलेको जिल्ला प्रहरी कार्यलय धनकुटाका एसपी गोविन्द अधिकारीले जानकारी दिनुभयो ।
मामाको छोरीलाई साथि लिएर आएकी उनले कोशी अञ्चल आयुर्वेदिक औषधालय धनकुटामा थेरापी गराउदै आएको पाईएको उहाँले वताउनुभयो । ४ दिन अघि कमलाको श्रीमान पनि विदेशबाट फर्केर सोही होटलमा सँगै वसेका थिए ।
आफन्त खाना खान तल झरेको समयमा उनले कोठाको झ्यालमा सलको पासो लगाई शनिवार राती आ त्म हत्या गरेको हुन सक्ने प्रहरीको प्रारम्भिक अनुमान छ । आफन्त खाना खाएर कोठामा जाँदा चुकुल लगाको पाईएपछि ढोका फोडेर हुर्दा झु ण्डिएको अवस्थामा उनको शव फेला परेको प्रहरीले जनाएको छ ।
लामो समयदेखी प्यारालाईसिसको समस्याबाट पीडित उनले जति उपचार गर्दापनि भएन मर्नु पर्छ की के हो भनि आफन्त सँग कुरा समेत गरेको उनको आफन्तले वताएको एसपी अधिकारीले जानकारी दिनुभयो । मृ त शव को आज जिल्ला अस्पतालमा पोष्मार्टम गरिएको प्रहरीले जनाएको छ ।
