नेपाली कांग्रेस डुब्न लागेको घाममा सुकाएको विस्कुन जस्तै : सॉंसद राई
धनकुटा । धनकुटाको सहिदभुमी गाउँपालिका वडा नं १ मा आज वडा स्तरिय युवा भेला सम्पन्न भएको छ ।
नेकपा एमालेका १ नं वडा कमिटी अध्यक्ष विष्णु प्रसाद राईको अध्यक्षता तथा संघिय संसद तथा नेकपा एमाले धनकुटाका अध्यक्ष राजेन्द्र कुमार राईको प्रमुख आतिथ्यमा सम्पन्न भेलाले नरेश राई अध्यक्ष र ईश्वर राई सचिव रहने गरी ६३ सदस्यीय वडा स्तरिय राष्ट्रिय युवा संघ गठन गरेको छ ।
भेलालाई सम्वोधन गर्दै संघिय संसद राईले नेपाली कांग्रेस डुब्न लागेको घाममा सुकाएको विस्कुन जस्तै भएको टिप्पणी गर्नुभयो । उहाँले कांग्रेस र माओवादी पार्टी सत्तामा पुगेपछि जनता विरोधि काम गर्ने गरेको आरोप लगाउनुभयो । आगामी चुनावबाट फेरी एमाले नै सबैभन्दा ठूलो र शक्तिशाली पार्टी बन्ने उल्लेख गर्नुभयो ।
त्यस्तै १ नं प्रदेशसभा सदस्य निरेन राईले युवाहरु परिर्वतनको सम्वाहक भएको उल्लेख गर्दै देशको राजनीतिक परिर्वतन युवाहरुकै संघर्ष र वलिदानले मात्र सम्भव हुने वताउनुभयो ।
उहाँले देशको आर्थिक समृद्धी र परिवर्तनका लागि युवाहरुको योगदान महत्वपूर्ण हुने समेत वताउनुभयो । कार्यक्रममा सहिदभुमी गाउँपालिकाका अध्यक्ष मनोज राईले हाल पालिमा न्यायोचित रुपमा विकास निर्माणका कामहरु भईरहेको भन्दै आगामी दिनमा पनि नीति तथा योजना वनाई एमाले सरकारले जनतालाई लाभ हुनेगरिको सेवा दिने वताउनुभयो ।
कार्यक्रममा गाउँपालिका उपाध्यक्ष रत्नश्वरी राई, नेकपा एमाले गाउँ पार्टी ईञ्चार्ज सुष्मा किराती,सहईञ्चार्जद्धय भुपेन्द्र सकराती र बम बहादुर राई लगायत पार्टीका नेता कार्यकर्ताको उपस्थिती थियो ।
