पालिका स्तरिय “पाख्रीबास कप” फुटबल प्रतियोगिता हुने
धनकुटा । जिल्लाको पाख्रीबास नगरपालिका ४ मा स्थित खेल मैदानमा पालिका स्तरिय पुरुष फुटबल प्रतियोगिता हुने भएको छ ।
हिन्दु धर्मावलम्बीहरुको महान चाड बडा दशैं तथा तिहारको अवसर पारेर पाख्रीबास युथ युनाइटेडले आयोजना गर्न लागेको उक्त प्रतियोगितामा जिल्लाकै सात वटै पालिकाहरुको सहभागिता रहने छ ।
सबै पालिकाहरुको एकता,स्वास्थ्य र बिकासको लागि कार्तिक १० देखि १३ गते सम्म संचालन हुने उक्त प्रतियोगिता गर्न लागिएको आयोजकले जनाएको छ ।
साथै खेल फिफा,एन्फा र आयोजकको नियमानुसार तथा नकआउटको आधारमा हुनेछ साथै प्रत्येक पालिकाले आफ्नो टीममा आफ्नो पालिका बाहिरका दुई जना खेल्न दिइने जनाइएको छ ।
टिम दर्ता नि:शुल्क रहेको यस प्रतियोगितामा प्रथम र दोस्रो हुने टीमलाई क्रमश: रु एक लाख र कप,मेडल र पचास हजार र कप,मेडल प्रदान गरिने छ । (फाइल तस्बीर)
