नकआउट फुटबल प्रतियोगिताको महिला तर्फको उपाधि तातोपानीलाई
धनकुटा । धनकुटाको सहिदभुमि गाउँपालिका १ गोपालपुरमा जारी महिला तथा पुरुष नकआउट फुटबल प्रतियोगिताको चौथो दिन पुरुष तर्फको क्वाटर फाईनलका ५ खेल र महिला तर्फको फाईनल खेल भएका छन् ।
पुरुष तर्फको क्वाटर फाईनल अन्र्तगत विएफसी पोक्ला र पिलिया बीच भएको पहिलो खेलमा पेनाल्टी सुटआउटमा २-३ गोल अन्तरले बिएफसी विजयी भएको छ । बेलहरा र नवयुवा क्लब चिम्रहा ए बीच भएको दोश्रो खेलमा पनि पेनाल्टी मार्फत ३-४ गोल अन्तरले नवयुवा क्लब चिम्राहा बिजयी भएको छ ।
त्यस्तै धारापानी र आदार्श क्लब बीचको तेश्रो खेलमा पेनाल्टी मार्फत ३-४ गोलले धारापानी विजयी भएको छ भने चाम्चा र सरस्वती युवा क्लब ए बीचको चौथो खेलमा १-२ गोल ले सरस्वती ए बिजयी भएको छ । साप्तिङटार र सरस्वती वि बीच भएको पाचौ खेलमा ०-१ गोल ले साप्तिटार विजयी भएको छ ।
सम्पन्न महिला तर्फको फाईनल खेलमा २-३ गोल अन्तरले तातोपानी विजयी भएको छ ।
