धनकुटा ख मा कांग्रेसले सहमतिको प्रयास गर्ने
धनकुटा ३० कार्तिक, नेपाली कांग्रेसको १४ औ महाधिवेशन अन्र्तगत धनकुटा ख मा सर्वसम्वत गराउन प्रदेश ख नेतृत्व चयनसमितीको आज बैठक बसि सबै पदका आकांक्षी संग छलफल गरि सर्वसहमीको सहमतीको प्रयास गर्ने गर्ने निर्णय गरेको छ ।
आज बसेको बैठकले सबै आकांक्षी सग छलफल गर्ने निर्णय गरेको समितीका संयोजक एवम् नेपाली कांग्रेस धनकुटाका उपसभापती नविनकिशोर शाक्यले जानकारी दिनु भयो । उक्त समितीको सदस्यहरुमा इन्दिरा थापा, ज्ञानु गरुङ्ग र खेम पौडल रहनु भएको छ ।
देशसभा बैठक स्थगित, मुख्यमन्त्रीले विश्वासको मत लिन पाएनन्
विराटनगर, ३० कात्तिक (रासस) : प्रमुख प्रतिपक्षी दल नेकपा एमालेका सदस्य नआएपछि प्रदेश नं १ को प्रदेशसभा बैठक स्थगित भएको छ ।
मुख्यमन्त्री राजेन्द्र राईले विश्वासको मत लिने प्रयोजनका लागि बोलाइएको बैठक भोलि बिहान साढे ११ बजेसम्मका लागि स्थगित भएको हो ।
प्रदेशसभाको बैठक सुरू हुनासाथ सभामुख प्रदीपकुमार भण्डारीले कार्यसूचीमा प्रवेशै नगरी प्रमुख प्रतिपक्षी दल अनुपस्थित भएको भन्दै भोलि बुधबार बिहान ११ः३० बजेसम्मका लागि स्थगित भएको घोषणा गर्नुभएको थियो ।
नेपालको संविधानको धारा १६८ को उपधारा (४) तथा प्रदेश नं १ को प्रदेशसभा नियमावली, २०७४ को नियम १२८ को उपनियम (४) बमोजित प्रदेश नं १ का मुख्यमन्त्री राजेन्द्रकुमार राईले सभामा विश्वासको मतका लागि प्रस्ताव पेश गर्ने कार्यसूची रहेको थियो ।
