छथर जोरपाटी गाउँपालिकाको आर्थिक बर्ष २०८०/८१ को बजेट सर्वसम्मत पारित
धनकुटा । धनकुटाको छथर जोरपाटी गाउँपालिकाले आर्थिक बर्ष २०८०÷८१ को बजेट सर्वसम्मत रुपमा पारित गर्दै दोस्रो गाउँसभाको तेस्रो अधिवेशन सम्पन्न गरेको छ ।
असार १० गते गाउँपालिका उपाध्यक्ष गिता गुरुङ्ग खेवाले गाउँसभामा प्रस्तुत गर्नु भएको बजेट संशोधन सहित पारित गरिएको गाउँपालिका प्रमुख प्रशासकिय अधिकृत जितमान जिमीले जानकारी दिनु भयो ।
आर्थिक विधेक र विनियोजन विधेक समेत गाउँपालिका बाट सर्वसम्त रुपमा पारित भएको छ । गाउँसभामा गाउँसभा सदस्यहरुले उठाएका प्रश्नको जवाफ बिषयगत समितीका संयोजकहरुले उत्तर दिए संगै गाउँसभामा गाउँपालिका उपाध्यक्षले प्रस्तुत गरेको आर्थिक बर्ष २०८०÷८१ को ४२ करोड ३५ लाख ४६ हजार रुपैयाँ बजेट पारित गरिएको जनाइएको छ ।
