भुर्तेलले दुई विकेट लिएसँगै खेलमा हाबी हुँदै नेपाल
युएईका ओपनर लवप्रीत सिंह ८२ बलमा ६ चौका र १ छक्कासहित ५२ रनमा क्याच आउट भए । लेगस्पिनर कुशल भुर्तेलको बलमा उनी डीप मिडविकेटबाट सन्दीप जोराबाट क्याच आउट भए ।
युएईलाई ओपनर अर्यांश शर्मा र लवप्रीत सिंहले पहिलो विकेटका लागि १०.४ ओभरमा ३९ रनको साझेदारी गरेका थिए ।
स्पिनर कुशल मल्लको बलमा अर्यांश शर्मा १४ रनमा पवन सरार्फबाट क्याच आउट भए । पवन सराफले अंश टन्डनलाई ३ रनमा एलबीडब्लू आउट गरे । लवप्रीत र एथान डि सोल्झाले ४४ रनको साझेदारी गरेका थिए ।
लेग स्पिनर कुशल भुर्तेलको बलमा स्वीप खेल्ने धुनमा सोल्झा १८ रनमा एलबीडब्लू आउट भए । उनले २५ बलमा २ चौका र १ छक्का प्रहार गरे ।
नेपालले आज आफ्ना प्रमुख दुई बलर सोमपाल कामी र ललित नारायण राजवंशीलाई विश्राम दिएको छ । सन्दीप लामिछाने र करण केसी प्रतियोगितामै छैनन् । त्यसैले नेपालले यस खेलमा आफ्नो दोस्रो रोजाईको बलर खेलाएको छ । hamrokhelkud
