साँगुरीगढीमा भूमिहीन सुकुम्वासी तथा दलितहरुलाई लालपुर्जा वितरण गर्नका लागि निस्सा प्रदान
धनकुटा,३ साउन । धनकुटाको साँगुरीगढी गाउँपालिकाले पालिका भित्रका भूमिहीन सुकुम्वासी तथा दलितहरुलाई लालपुर्जा वितरण गर्नका लागि निस्सा प्रदान गर्न थालेको छ ।
राष्ट्रिय भूमि आयोग जिल्ला समिती धनकुटाले गाउँपालिका भरीका ३९ घर परिवारका भूमीहिन सुकुम्वासी तथा दलितहरु लाई लालपुर्जा वितरण गर्नका लागि निस्सा प्रदान सुरु गरेको हो ।
निस्सा वितरण गरिएका मध्ये १० परिवार भूमीहिन दलित र बाँकी २९ घरपरिवार सुकुम्बासी भूमिहिन रहेको गाउँपालिका अध्यक्ष जितेन्द्र राईले जानकारी दिनु भयो ।
राष्ट्रिय भूमि आयोग जिल्ला समिति अध्यक्ष बलबहादुर राईले निस्सा पाएका लाभग्राहीहरूको थप अनुगमन गरि जग्गा वितरण गर्न नापजाँच गर्ने कार्य अगाडि बढेको र छिट्टै लालपूर्जा वितरणको कार्य सुरु हुने बताए।
