धनकुटा १ हिले स्थित धार्मिक स्थल श्री बक्रकुण्ड पञ्चेश्वर महादेव मन्दिर परिसरमा वृक्षरोपण
धनकुटा । ४५ औ पुष्पलाल स्मृति दिवसको अवसरमा धनकुटा १ हिले स्थितको धार्मिक स्थल श्री बक्रकुण्ड पञ्चेश्वर महादेव मन्दिर परिसरमा वृक्षरोपण गरिएको छ ।
नेपाल खेलकुद महासंघ धनकुटाको आयोजनामा ६ सय ५० बोट विरुवा रोपिएको हो । धुपी,सल्ला,नेवारा,तेजपत्ता लगायतका विरुवा रोपण गरिएको नेपाल खेलकुद महासंघका केन्द्रिय सदस्य भोगेन्द्र थापाले बताउनुभयो ।
वृक्षरोपण कार्यमा नेकपा एमाले जिल्ला कमिटी अध्यक्ष तथा प्रदेश सांसद ईन्द्रमणी पराजुली, जिल्ला सचिव तथा प्रदेश सांसद निरन राई सहित युवासंघ,विभिन्न जनसंगठनका पदाधिकारी तथा सदस्यहरुको सहभागिता थियो ।
जिल्लाका विभिन्न पालिकाहरुमा पनि पार्टीका पालिका कमिटीहरुले वृक्ष रोपण तथा स्मृती सभा गरि पुष्पलाल स्मृती दिवस मनाईएको जिल्ला अध्यक्ष पराजुलीले बताउनुभयो ।
