यस्तो छ सारुक ताम्राकारले मोबाइलको नोट प्याडमा लेखेको सुसाइड नोट
काठमाडौं,१४ साउन । गत असार २१ गते काठमाडौंको रातोपुलस्थित आफ्नै घरमा झुण्डिएको अवस्थामा फेला परेका कलाकार सारुक ताम्राकारले लेखेको सुसाइड नोट फेला परेको छ ।
सारुकको मोबाइललाई प्रहरी प्रधान कार्यालय, नक्सालको डिजिटल फरेन्सिक ल्याबमा जाँचका लागि पठाइएको मोबाइलको ‘नोट्स’मा उनले मृत्यु हुनुअघि लेखेको विवरण फेला परेको हो ।
फरेन्सिक परीक्षणमा पठाउँदा आएको रिपोर्टमा सारुकले आत्महत्या गर्नुअघि मोबाइलको नोट प्याडमा कसैलाई पनि दुख नदिन र गाली नर्गन आग्रह गर्दै लेखेको सुसाइड नोट फेला परेको प्रहरी निकट उच्च स्रोतले जनाएको छ ।
सारुकले आमालाई सम्बोधन गर्दै अर्को जुनीमा पनि तपाईँकै कोखबाट जन्म लिन पाउँ भन्दै लेखेका छन् ‘ पुलिसहरू डन्ट फकिङ मी कन्ट्रोभर्सी । इट्स अल माई फल्ट । कसैलाई ब्लेम नगर्नु । यो सबै यहीँ इन्ड हुनु थियो । सो सकियो । मेक मि रेस्ट इन पीस, धन्यवाद’ ।
सारुक नेपाली सिने क्षेत्रका वरिष्ठ कलाकार सानु ताम्राकारका एकल सन्तान हुन् ।
