धनकुटाको छथर जोरपाटी गाउँपालिका स्कुल डाँडामा निर्माणाधिन नमूना पुस्तकालय तथा श्रोत केन्द्र
धनकुटा । धनकुटाको छथर जोरपाटी गाउँपालिका सिंधुवा बजार नजिक स्कुल डाँडामा नमूना पुस्तकालय तथा श्रोत केन्द्र निर्माण गरिदैछ ।
गाउँपालिकाको वडा नं ६ सिंधुवा छथर जोरपाटी सामुदायिक पुस्तकालय तथा श्रोत केन्द्रको पहलमा २ करोड १२ लाख २९ हजार लगानीमा केन्द्रको भवन निर्माण गरिएको हो ।
जापान सरकार र एस.भि.ए नेपालको एक करोड ६२ लाख र गाउँपालिका र पुस्तकालाय तथा श्रोत केन्द्रको ५० लाख २९ हजार लगानीमा रहेको केन्द्रका अध्यक्ष अर्जुन घिमिरेले जानकारी दिनुभयो ।
घिमिरेका अनुसार रिड नेपालको प्राविधिक सहयोगमा बनिरहेको तीन तले भवनमा पुस्तकाल,आईटी कक्षा,बिभिन्न प्राबिधिक तथा सीप सम्बन्धि तालिम हलहरु बन्नेछन् । शूरुमा पाँच सय भन्दा बढी पुस्तकालयका साथ महिला, यूवा, बालबालिका र प्राविधिक तालिम केन्द्रहरु सञ्चालनमा रहने छन् ।
सो भवनमा पुस्तकालय संगै यूवा तथा महिलाहरुलाई आवश्यक सीप सिकाउने केन्द्र तथा विद्यालय जानुअघि बालबालिकाहरुलाई सिकाई अभ्यास गराउने श्रोत केन्द्र सञ्चालनमा आउने घिमिरेले बताउनुभयो ।
पुस्तकालय र दीर्घकालिन श्रोत कक्षा सञ्चालनका लागि वडाका प्रत्येक घरका एक ब्यक्तिलाई स-शूल्क आजीवन सदस्य बनाउने कार्यक्रम चलिरहेको समेत उहाँले बताउनुभयो । भवन निर्माण पुरा भएपछि सञ्चालित श्रोत केन्द्रबाट बार्षिक तीन सय भन्दा बढी यूवा तथा महिलाहरुलाई सिपमूलक लालिम दिने लक्ष रहेको वडा अध्यक्ष दिपक गुरुङ्गले बताउनुुभयो ।
गत चैत्रबाट १० महिनामा काम पूरा गर्नेगरी भवन निर्माणको ठेक्का पाएको फुलजोर निर्माण कम्पनी प्रा।लि।काण्ठमाण्डौंले ३० प्रतिशत बढी काम सिकएको जनाएको छ । करिब सात लाख वराबरको दुई रोपनी क्षेत्रफलमा बनिरहेको पुस्तकालय तथा श्रोत केन्द्र भवनको लागि स्थानिय रनध्वज घिमिरेले जग्गा दान गर्नुभएको हो ।
