आज विश्व आदिवासी जनजाति दिवस, धनकुटामा यस्ता कार्यक्रम हुँदै
धनकुटा । आज २९ औं विश्व आदिवासी दिवस विभिन्न कार्यक्रम गरी मनाइँदै छ । दिवसको अवसरमा धनकुटामा नेपाल आदिवासी जनजाती महासंघ जिल्ला समन्वय परिषद धनकुटाले पनि विविध कार्यक्रम आयोजना गर्ने भएको छ ।
यो दिवसलाई आदिवासी अधिकार र पहिचान स्थापित गर्ने लक्षका साथ आन्दोलनकै रुपमा मनाउने परिषदले जनाएको छ । जसअनुसार धनकुटा ७ समावेसी टोलमा रहेको आदिवासी भवनमा निर्माणधिन आदिवासी साँस्कृतिक संग्राहलयको अवलोकन तथा समिक्षा,आ आफ्नो मौलिक भेषभुषा सहितको र्याली प्रर्दशन, पहिचानको आन्दोलनको समिक्षा तथा शूभकामना आदान प्रदान गर्ने कार्यक्रम रहेका छन् ।
सप्ताह व्यापी रुपमा मनाईदै गरेको विश्व आदिवासी जनजाती दिवस अन्र्तगत यसअघि धनकुटाको सहिदभुमी गाउँपलिकामा विभिन्न कार्यक्रम गरि सकिएको छ । आज धनकुटा सदरमुकाममा गर्ने र यसपछि जिल्लाका अन्य पालिका हरुमा गर्दै जाने नेपाल आदिवासी जनजाती जिल्ला समन्वय परिषद धनकुटाका अध्यक्ष सञ्जय सन्तोषी राईले बताउनु भएको छ ।
सन् १९९४ डिसेम्बर २३ मा भएको संयुक्त राष्ट्रसंघको साधारणसभाले अगस्त ९ लाई अन्तर्राष्ट्रिय आदिवासी दिवसका रूपमा मनाउने अवधारणा अगाडि बढाएको हो ।
