ओएमजी-२ मा शिवले कचोरी किनेको दृश्य विवादमा
मुम्बई । अक्षय कुमार अभिनीत चलचित्र ओएमजी २ को दर्शकहरुले निकै प्रतीक्षा गरिरहेका छन् । प्रदर्शनमा आउनु अघि नै अनेक विवाद र लफडामा परेका ओएमजी २ माथि फेरि अर्को सङ्कट आइपरेको छ ।
हालै नेपालको प्रधानमन्त्री पुष्पकमल दाहाल प्रचण्ड धार्मिक भ्रमणमा गएको उज्जैनको महाकाल मन्दिरका पुजारीले ओएमजी–२ फिल्मका निर्मातालाई कानुनी नोटिस पठाएका छन् ।
फिल्ममा भगवान् शिवको रूप गलत देखाइएको उनीहरूको भनाइ छ । शिवले पसलबाट कचोरी किनेको देखाइएको छ । यसले भक्तजनको भावनामा ठेस पुग्छ । नोटिसमा अपमानजनक दृश्य हटाउन र सार्वजनिक माफी माग्न उक्त मन्दिरका पुजारीले ओएमजीका निर्माता र निर्देशकलाई भनेका छन्।
त्यसै त ओएमजी २ लाई सेन्सर बोर्डले ए सर्टिफिकेट दिएको छ । अर्थात् १८ वर्ष मुनिका व्यक्तिले यसलाई हेर्न पाउने छैनन् । यसबारे महाकाल मन्दिरका पुजारीहरू यस फिल्ममा अश्लील दृश्यहरू रहेको प्रति पनि आपत्ति जनाएका छन् । महाकाल मन्दिरका पुजारीले सो फिल्ममा भगवान् शिव सम्बन्धी कुनै अश्लील दृश्य देखिए देशैभर प्रदर्शन गर्न नदिने चेतावनी दिएका छन् ।
