निधन भएको तीन वर्षपछि भेटिए सुशान्त सिंहजस्तै देखिने व्यक्ति
काठमाडौं । सन् २०२० मा बलिउड अभिनेता सुशान्त सिंह राजपुतको निधन भएको थियो । अकालमै भएको निधनले उनका फ्यान, शुभचिन्तक लगायत सबैलाई नै स्तब्ध बनाएको थियो ।
मुम्बईस्थित आफ्नै अपार्टमेन्टमा मृत फेला परेका राजपुतको याद ताजै राख्न प्रशंसकहरू उनको नामको फ्यानपेज मृत्युपश्चात पनि फ्यानले खोलेका थिए ।
निधन भएको तीन वर्ष बितेसँगै अहिले सामाजिक सञ्जालमा उनी जस्तै देखिने एक व्यक्ति आएका छन् । सुशान्तजस्तै देखिने डोनिम अयान नामक उक्त व्यक्तिको तस्बिर र भिडिओ अहिले सामाजिक सञ्जालमा भाइरल भइरहेको छ ।
उनको एउटा ट्रान्जिसन भिडिओले २४ मिलियनभन्दा बढी भ्युज पाएको छ भने जुन २६, २०२३ मा उनले पोष्ट गरेको भिडिओले समेत अहिले लाखौं भ्युज बटुलिरहेको छ । झट्ट् हेर्दा उनी ठ्याक्कै सुशान्त जस्तै देखिन्छन् । सुशान्त जस्तै देखिने भिडिओ देखेपछि धेरैले उनीप्रति प्रशंसा र माया दर्शाएका छन् ।
प्रशंसा सँगसँगै उनको आलोचना पनि भईरहेको छ । कतिले उनलाई ए.आई प्रविधिको प्रयोग गरी सुशान्त जस्तै देखिन खोजेको आरोप लगाएका छन् भने कतिले उनको एकाउन्ट नै फेक भएको बताइरहेका छन् ।
