धनकुटा सहिदभूमिका आश बहादुरले पाए ३४ वर्षमा नागरिकता
धनकुटा । धनकुटाको सहिदभूमि गाउँपालिका वडा नं ४ खोकु भोक्राहाका अपाङगता भएका व्यक्ति आश बहादुर राईले नेपाली नागरिकता प्राप्त गर्नुभएको छ ।
जिल्ला प्रशासन कार्यालय धनकुटाका प्रशासन अधिकृत अंकित मंग्रातीको टोली घरमै पुगेर आज राई लाई नागरिकता प्रदान गरेको हो । २०४६ साल जेठ १३ गते जन्मेका राईले ३४ वर्षको उमेरमा नागरिक्ता पाउनुभएको हो ।
पर्डेप नेपाल धनकुटा र सहिदभूमि गाउँपालिकाको न्यायमा पहुँच कार्यक्रम अन्र्तगतको पहलमा राइलाई नागरिकता प्रदान गरिएको हो । राईलाई नागरिकता दिन सहिदभूमि गाउँपालिका अध्यक्ष मनोज राई, उपाध्यक्ष रत्नश्वरी राई, गाउँपालिकाका प्रमुख प्रशासकीय अधिकृत नविन कार्की,पर्डेप नेपाल धनकुटाका कार्यकारी निर्देशक मिन सुवेदी,वडाध्यक्ष भिम बहादुर राई र जिल्ला प्रशासन कार्यालयका सिता सुवेदी सहितको टोली घरमै पुगेको थियो ।
