चौबिसे र सांगुरीगढीमा नेपाल आदिवासी जनजाति महासंघ गाउँ समन्वय परिषद गठन
धनकुटा । धनकुटाको चौबिसे र सांगुरीगढी गाउँपालिकामा पालिका स्तरिय नेपाल आदिवाली जनजाति महासंघ गाउँ समन्वय परिषद गठन गरिएको छ ।
शुक्रवार आयोजित कार्यक्रमको वीच दुवै पालिकामा पालिका स्तरिय गाउँ समन्वय परिषद गठन गरिएको हो । जसअनुसार चौबिसे गाउंपालिकाको गाउँ समन्वय परिषद अध्यक्षमा देवी बहादुर राई, उपाध्यक्षमा सूर्य कुमारी याख्खा र दल बहादुर श्रेष्ठ,सचिवमा टेकराज लिम्बू,सह-सचिवमा लिला देवान र काेषाध्यक्षमा सन्त बहादुर तामाङ रहेका छन् ।
सदस्यमा अहिले चन्द्र बहादुर मगर रहनु भएको र अन्य सदस्यहरु पछि मनोनित गर्ने निर्णय भएको निवर्तमान अध्यक्ष दिवा चेम्जाेङले वताउनुभयो।
त्यस्तै साँगुरीगढी गाउँ समन्वय परिषदको अध्यक्षमा प्रमिला लिम्बु , उपाध्याक्षमा उदिप देवान, सचिब टंक बहादुर भुजेल,सह-सचिवमा महेन्द्र माझी र कोष अध्यक्षमा पुष्पराज राई निर्वाचित भएका छन् । सदस्यहरुमा मंगल याम्फु , सीता श्रेष्ठ , शेखर मगर लगायत रहेको सुरेश याम्फुले बताउनुभयो ।
नेपाल आदिवासी जनजाति महासंघ जिल्ला समन्वय परिषद अध्यक्ष सञ्जय सन्तोषी राई सहित पालिका अध्यक्षको उपस्थितिमा नयाँ समिति गठन गरिएको हो । समितिमा विभिन्न एकल जातिय संस्थालाई समेटिएको छ । यी पालिकाहरुमा ११/११ एकल जातिय संस्था रहेका छन् ।
