भाइरल गायिका सिम्रनको स्वरमा श्रीधरको ‘मुटुमै घाउ छ’ सार्वजनिक
काठमाडौं । हाल सामाजिक सञ्जालमा भाइरल बनिरहेकी बागलुङकी नवगायिका सिम्रन परियारको दोस्रो गीत ‘मुटुमै घाउ छ’ सार्वजनिक भएको छ ।
डा. विष्णु मूर्ति भट्टराईको शब्द, श्रीधर अधिकारीको संगीत र विशाल निरौलाको संगीत संयोजन रहेको उक्त बोलको गीतले हाल दर्शकहरूबाट राम्रो प्रतिक्रिया बटुलिरहेको छ ।
संगितकार एवं गायक श्रीधर अधिकारीको आधिकारिक युट्युब च्यानलबाट शनिवार साँझ सार्वजनिक भएको उक्त गीतले अहिलेसम्म झण्डै ४ लाख भ्युज पाइसकेको छ ।
सामाजिक सञ्जालमा भाइरल भएसँगै गायनमा अनेकन् अवसर प्राप्त गरिरहेको सिम्रनको पहिलो गीत ‘उसलाई पाउन २’ को फिमेल भर्सनले पनि राम्रो प्रतिक्रिया पाइरहेको छ ।
