बक्रकुण्ड पञ्चेश्वर महादेव मन्दिरको १३ औ वार्षिकोत्सव सम्पन्न
धनकुटा । धनकुटाको धनकुटा नगरपालिका वडा नं १ स्थितको धार्मिक एवम् पर्यटकीय स्थल श्री बक्रकुण्ड पञ्चेश्वर महादेव मन्दिरको आज १३ औ वार्षिकोत्सव भव्यताका साथ मनाईएको छ ।
नागपञ्चमीको अवसरपारि मन्दिर परिसरमा नाग पञ्चमी मेला तथा एक दिने नि:शूल्क स्वास्थ्य शिविरको आयोजना गर्दै मन्दिरको वार्षिकोत्सव मनाईएको हो ।
मन्दिर व्यवस्थापन समितिका अध्यक्ष लालचन गोङवाको अध्यक्षतामा भएको मेला उद्घाटन कार्यक्रमलाई सम्बोधन गर्दै धनकुटा नगरपालिकाका प्रमुख चिन्तन तामाङले यो मिन्दरलाई पूर्वकै सुन्दर र प्रसिद्ध धार्मिक पर्यटकीय स्थल बनाउने बताउनु भएको छ । जसका लागि नगरपालिकाले पहल गर्ने उहाँले बताउनुभयो ।
आज विभिन्न स्थानका ३ हजार बढी भक्तजनहरुले मन्दिरको दर्शन गरेको मन्दिर व्यवस्थापन समितिका सचिव दिपक घिमिरेले जानकारी दिनुभयो । कार्यक्रममा श्री नं २ बाहिनी अड्डा हिलेका बाहिनीपति सहायक रथी महेशकुमार थापा, भीमदल गणका गणपति प्रमुख सेनानी सुमन थापा, धनकुटा नगरपालिका वडा नं १ का वडाध्यक्ष वङदा तामाङ सहित विभिन्न सामाजिक संघ संस्थाका प्रमुख एवम् प्रतिनीधिहरुको उपस्थिती थियो ।
यसैवीच मन्दिरको वार्षिकोत्सवकै अवसरमा नेपाली सेनाको श्री नं २ वाहिनी अड्डा हिलेको संयोजकत्वमा भीमदल गण सल्लेरी व्यारेक धनकुटाद्धारा सञ्चालित एक दिने नि:शूल्क स्वास्थ्य शिविरमा ५ सय बढी नागरिकले स्वास्थ्य सेवा लिएका छन् ।
