यस्तो छ धनकुटामा लाखेको रौनक(भिडियो)
धनकुटा । धनकुटामा यतिबेला लाखे नाचको रौनक छ । नेबारबहुल बस्ती रहेको धनकुटामा टोल टोलमा लाखे नाच नाचेको देख्न पाईन्छ । धनकुटा बजार क्षेत्रमा पुस्तौं पहिलेदेखि लाखे नाचिँदै आएको नेवा दे दबुका नगर अध्यक्ष रोशन श्रेष्ठ बताउँनु हुन्छ ।
धनकुटामा घण्टाकर्णदेखि यो नाच सुरु गरिन्छ । यो नाच आगामी कृष्ण जन्माष्टमीमा समापन हुन्छ । उहाका अनुसार ५० वर्ष उमेरसम्मकाले लाखे नाच्ने गरेका छन् । धनकुटाको सिधुवा, पाख्रिवास, मूलघाटलगायतका स्थानमा समेत लाखे नाचिन्छ ।
घरदैलोमा नाच प्रदर्शन गरेपछि पैसा दिइन्छ । त्यसैले पैसाका लागि मात्र नभएर संस्कृति जोगाउनलाई लाखे नाच्नुपर्नेमा आफूले जोड दिँदै आएको अगुवाहरू बताउँछन् । कंशले कृष्णलाई मार्न बहिनी पुतनालाई प्रयोग गरेकाले त्यसबाट रक्षा गर्न कामना गर्दै राक्षसको स्वरूपमा सजिएर नेवार समुदायमा लाखे नाच सुरुवात गरिएको किंवदन्ती छ ।
खासगरी नागपञ्चमीदेखि ऋषिपञ्चमीसम्म नाच प्रदर्शन गरिन्छ । धनकुटामा लाखे नचाउन संखुवासभाको चैनपुर र सुनसरीको धरान लगायतबाट समेत ल्याउने गरिन्छ ।
