पाख्रिबासमा ‘जिल्ला स्तरीय खुल्ला वक्तृत्वकला प्रतियोगिता’ हुने
धनकुटा । धनकुटाको पाख्रिबासमा संविधान दिवसको अवसर पारेर ‘जिल्ला स्तरीय खुल्ला वक्तृत्वकला प्रतियोगिता’ हुने भएको छ ।
समाजमा विभिन्न प्रेरणात्मक,सामाजिक कार्यहरु गर्दै आएको चेतना युथ क्लबको आयोजनामा उक्त प्रतियोगिता हुने भएको हो ।
विगतमा संविधान दिवसको अवसरमा वार्षिक रुपमा नगरस्तरीय वक्तृत्वकला प्रतियोगिता आयोजना गरी वाक कलाका प्रतिभावानहरुलाई सम्मान साथै विचारहरु प्रक्षेपण गरि समाजमा विभिन्न विषयमा चेतना फैल्याउने प्रयास गरि आएको यस क्लबले यस बर्ष भने नगरबाट स्तरोन्नति गर्दै जिल्ला स्तरीय खुल्ला वक्तृत्वकला प्रतियोगिता’ को आयोजना गर्न लागेको हो ।
“धनकुटाको आवाज : दुर्व्यसन मुक्त समाज” शिर्षकमा आयोजना गर्न लागिएको यस खुल्ला प्रतियोगिता असोज ३ गते बिहानको १० बजेबाट सामुदायिक भवन, कृषि अनुसन्धान केन्द्र, पाख्रीबास-३ मा हुनेछ ।
