श्रीमान टंक माविमा पर्यटकिय स्थल सरसफाई गर्दै मनाईयो पर्यटन दिवस
धनकुटा । धनकुटा नगरपालिका वडा नं २ भीरगाउ स्थितको श्रीमान टंक माद्यमिक विद्यालयमा विभिन्न कार्यक्रम गर्दै आज विश्व पर्यटन दिवस मनाईएको छ ।
विद्यालयमा गठित टुरिजम क्लवले पर्यटकीय स्थल सरसफाई तथा र्याली प्रदर्शन गर्दै ४४ औं विश्व पर्यटन दिवस मनाएको हो । पर्यटन दिवसको अवसरमा क्लवले पर्यटकीय स्थल गाजर पार्क सरसफाइ, विद्यालय परिसरमा रहेको फुलवारी गोडमेल तथा र्याली प्रर्दशन गरेको छ ।
“पर्यटनबाटै राष्ट्रिय समृद्धी’’ भन्ने मूल नाराका साथ क्लवले उल्लेखित कार्य गरि यो दिवस मनाएको विद्यालयले जनाएको छ । टुरिजम क्लवले पर्यटकिय स्थलहरुलाई परिचित गराउन यसअघिपनि विभिन्न कार्यक्रमहरु गर्दै आएको विदालयका प्रधानाध्यापक नर वहादुर विश्वकर्माले बताउनुभयो ।
