सांगुरीगढीमा खाद्य अधिकार तथा खाद्य प्रणाली रणनीतिक योजना सम्वन्धी तीन दिने तालिम सुरु
धनकुटा । साँगुरीगढी गाउँपालिकामा खाद्य अधिकार तथा खाद्य प्रणाली रणनीतिक योजना सम्वन्धी तीन दिने तालिम सुरु भएको छ ।
साँगुरीगढी गाउँपालिका र राष्ट्रिय योजना आयोगको आयोजना तथा विश्व खाद्य संगठन र संयुक्त राष्ट्रसंघीय खाद्य तथा कृषि कार्यक्रमको प्राविधिक सहयोगमा तीन दिने तालिम सुरु भएको हो ।
कार्यक्रमका प्रमुख अतिथि राष्ट्रिय योजना आयोगका सदस्य माननीय डा. जयकान्त राउतले ब्यानर बाचन गरेर तालिमको औपचारिक उद्घाटन गरेका थिए ।
कार्यक्रममा संघीय मामिला तथा सामान्य प्रशासन मन्त्रालयका सहसचिव सुमन दाहाल लगायतले मन्तव्य राखेका थिए । तालिमको उद्देश्य माथि प्रकाश प्रमुख प्रशासकीय अधिकृत मनोजकुमार ठाकुरले र संचालन कृषि विकास शाखा प्रमुख राजिव कुमार पाख्रिनले गरेका थिए । उद्घाटन कार्यक्रम साँगुरीगढी गाउँपालिका अध्यक्ष जितेन्द्र राईको अध्यक्षतामा सम्पन्न भएको थियो ।
तालिममा साँगुरीगढी गाउँपालिका भरिका १० वटै वडाका अध्यक्ष, विभिन्न शाखागत प्रमुख÷प्रतिनिधि, नेपाल उद्योग वाणिज्य संघ, बीउ व्यवसायी, अगुवा कृषक÷कृषक समूह प्रतिनिधि र संचारकर्मीहरुको सहभागीता रहेको छ ।
खाद्य प्रणालीको विषयवस्तुमा विश्व खाद्य संगठनका पुष्प श्रेष्ठ, चन्द्र थापा, बखत निरौला, लक्ष्मी चौधरी, संयुक्त राष्ट्रसंघीय खाद्य तथा कृषि कार्यक्रमका श्री महेश खरेल लगायतले सहजीकरण गरिरहेका छन् ।
