तेश्रो पाख्रीवास गोल्डकपको सहयोगार्थ आज पाख्रीवासमा भव्य सांगीतिक कार्यक्रम हुँदै
धनकुटा । तेश्रो पाख्रीवास गोल्डकप सहयोगको लागि आज पाख्रीवासमा भव्य सांगीतिक कार्यक्रमको आयोजना गरिएको छ ।
कार्यक्रम चेतना युथ क्लव पाख्रीवास ३ धनकुटाको आयोजना र युथ युनाईटड पाख्रीवासको प्राविधिक सहयोगमा हुन लागेको हो । कार्यक्रममा चर्चित राष्ट्रिय लोक कलाकार ज्योति मगर र नन्दु राईको बेजोड सांगितीक प्रस्तुती रहने कार्यक्रम आयोजक चेतना युथ क्लव पाख्रीवास ३ ले जनाएको छ ।
कार्यक्रम धनकुटाको पाख्रीवास जाल्पादेवी खेल मैदान मुङ्ग्रे आहालमा दिउसो ३ बजेदेखी शूरु हुनेछ ।
कार्यक्रमका लागि आवश्यक तयारी भईरहेको आयोजक चेतना युथ क्लवले जनाएको क्लवले जनाएको छ ।
तेश्रो पाख्रीवास गोल्डकप मंशिर ६ देखि ९ गते सम्म पाख्रीवासमा सञ्चालन हुनेछ ।
