झापामा मोटरसाईकल दुर्घटना हुदा १ जनाको मृत्यु
बिराटनगर, मंसिर १८ । झापाको मेचीमगर नगरपालिका-१३ लोकमार्ग स्थितमा मोटरसाईकल दुर्घटना हुँदा १ जनाको मृत्यु भएको छ भने २ जना घाईते भएका छन ।
हिजो राती साढे ११ बजे फुलवासा पुलमा प्रदेश १-०१-०१६ प ७६४९ र प्रदेश १-०३-००१ प २६५३ नम्वरको मोटरसाईकल अनियन्त्रित भई पुलमा ठक्कर लागि दुर्घटना हुदा मोटरसाईकलमा सवार ३ जना घाईते भई उपचारको लागि अस्पताल लगिएकोमा मोटरसाईकल चालक झापा गाउँपालिका-३ का २० बर्षीय मनिस बासकोटालाई B&C अस्पताल बिर्तामोड पुर्याउन साथ चेकजाँचको क्रममा डाक्टरले मृत घोषणा गरेको हो ।
अर्को मोटरसाईकल चालक झापा गाउँपालिका-३ का २० बर्षीय सौरव बासकोटाको सोही अस्पतालमा र पछाडि सवार सोही स्थानका २४ बर्षीय सुमन पौडेलको मनकामना अस्पताल चारआलीमा उपचार भईरहेको छ । घटना सम्वन्धमा इलाका प्रहरी कार्यालय काँकरभिट्टाबाट थप अनुसन्धान भईरहेको छ ।
