धनकुटा पुग्यो एमालेको संकल्प यात्रा
धनकुटा । नेकपा एमालेको झुलाघाट-चिवाभञ्ज्याङ समृद्धिका लागि संकल्प यात्रा आज धनकुटा आइ पुगेको छ ।
संकल्प यात्रा अन्तर्गत १५औं दिनको यात्रा गरिरहेको अध्यक्ष केपी शर्मा ओली नेतृत्वको एमालेको टोली आज भोजपुरको पौनादुंग्मा हुंदै धनकुटा पुगेको हो ।
धनकुटाको पाख्रीबास नगरपालिकाको लेगुवाघाटमा संकल्प यात्रालाई भव्य स्वागत गरिएको छ । एमालेका नेता-कार्यकर्ता, शुभचिन्तक र स्थानीयले टोलीले भव्य स्वागत गरेका हुन् ।
अध्यक्ष ओलीसहितको टोलीले त्यहाँ ज्येष्ठ नागरिकहरूसँग भेटघाट गरेपछि पाख्रीबासका लागि प्रस्थान गरिसकेका छन् । टोलीले पाख्रिबासमा कृषि अनुसन्धान केन्द्रका वैज्ञानिकहरूसँग कृषिको सम्भावना र चुनौतीका विषयक अन्तरक्रियामा सहभागी हुने र त्यसपछि हिले,सिंधुना हुंदै बसन्तपुर प्रस्थान गर्नेछन् ।
