धरान देखि धनकुटा सम्म राष्ट्रिय एकता दिवसको अवसरमा पदयात्रा
धनकुटा,२७ पुष । पृथ्वी जयन्ती तथा राष्ट्रिय एकता दिवसको अवसरमा धरानवाट धनकुटा सम्म एकिकरण पद मार्गमा पदयात्रा गरिएको छ ।
नेपाली सेनाको भिमदल गण सल्लेरीको आयोजनामा धरानको फुस्रेवाट धनकुटाको साँगुरीगढी गाउँपालिकाको साँगुरीगढी सम्म पदयात्रा गरिएको हो । राजा पृथ्वीनारायण शाहका सेनाका कमाण्डर अभिमानसिंह वस्नेतले वि.सं १८३१ मा साँगुरीगढीमा गोर्खाली फौज पठाई नियन्त्रणमा लिएर त्यहिवाट उत्तर र पूर्व तर्फ एकीकरण अभियानको सुरुवात गरिएको संझनामा सेनाले हरेक बर्ष पुष २७ गते पदयात्राको आयोजना गर्दै आएको छ ।
पदयात्रा कार्यक्रममा नेपाली सेनाको पूर्वि पृतनाका पृतनापती उपरथी आश बहादुर तामाङ्गले पुर्खाको योगदान लाई भुल्न नहुने र देश जोगाउन र बनाउँन खेलेको भूमिकाको कदर गर्दे योगदान बाट पाठ सिक्नु पर्ने बताउनु भयो ।
त्यस्तै साँगुरीगढी गाँउपालिकाका अध्यक्ष जितेन्द्र रुम्दाली राइले यसलाई इतिहास र पर्यटन संग जोड्नु पर्ने र त्यसको लागि पालिकाले पहल गरीरहेको बताउनु भयो । पदयात्रामा धनकुटा र धरानका पर्यटन व्यवसाय, होटल व्यावसायी पत्रकार र स्थानीय बासिन्दाको सहभागिता रहेको थियो ।
