धनकुटा-काठमाण्डौं साँस्कृतिक समाजद्धारा विद्यालयलाई संगितका सामाग्री प्रदान
धनकुटा । धनकुटाको पाख्रीवास नगरपालिका वडा नं ८ काभ्रे स्थितको महेन्द्र आधारभुत विद्यालयलाई धनकुटा-काठमाण्डौं साँस्कृतीक समाजले संगितका विभिन्न सामाग्रीहरु प्रदान गरेको छ ।
विद्यालय व्यवस्थापन समितीका अध्यक्ष नर वहादुर राईको अध्यक्षता तथा ८ नं वडाध्यक्ष गजेन्द्र राईको प्रमुख आतिथ्यमा सञ्चालित एक कार्यक्रमको वीच समाजले ड्रमसेट, पियानो, माईक्रोफोन, साउण्ड सिस्टम लगायतका सामाग्री प्रदान गरेको हो ।
कार्यक्रमका विशेष अथिती धनकुटा- काठमाण्डौ साँस्कृतीक समाजका अध्यक्ष कर्ण वहादुर राईले संगित प्रति विद्यार्थीहरुको रुची र चासोलाई ध्यान दिदै विद्यालयलाई ती सामाग्री प्रदान गरिएको बताउनु भयो । यसले सांगितिक क्षेत्रमा चासो राख्ने प्रतिभावान विद्यार्थीहरुको प्रतिभा उजागर गर्न सघाउ पुर्याउने, सरकारी विद्यालयमा विद्यार्थीहरु आउने घट्दो क्रमलाई निरुत्साहित गर्ने, विद्यार्थीहरुलाई संस्कृती र संगित सँग जोड्ने उहाँले वताउनु भएको छ ।
आफुले पनि अध्ययन गरेको सो विद्यालयमा संगितका सामाग्री उपलब्ध गराउन पाउँदा खुशी लागेको अध्यक्ष राईले वताउनु भएको छ ।
कार्यक्रममा वडासदस्यहरु गंगादेव राई,हेम गिरी,विद्यालयका प्रधानाध्यापक वकिल देवान,जलकञ्या प्राविका प्रधानाध्यापक विष्णु प्रसाद राई,सामाजका केन्द्रिय सदस्य गौरव नारायण राई, पाख्रीवास नगर संयोजक चकेन्द्र राई लगायतको उपस्थिती थियो ।
