धनकुटा कांग्रेसले सातैपालिकामा जनप्रतिनिधिहरुको भेला गर्ने
धनकुटा । नेपाली कांग्रेस धनकुटाको आज सम्पन्न जिल्ला समितिको बैठकले धनकुटाको सातवटै पालिकामा माग महिना भित्र जनप्रतिनिधिहरुको भेला गर्ने निर्णय गरेको छ ।
नेपाली कांग्रेस धनकुटाका जिल्ला सभापति दिनेश राईको अध्यक्षतमा आज सम्पन्न भएको बैठकले धनकुटाको सातवटै पालिकामा जनप्रतिनिधिहरुको माघ महिना भित्र भेला गर्ने त्यसका लागी जिल्ला सचिवहरु विजय सन्तोषी राई,जयन्द्र घसिग र कोषाध्यक्ष सरस्वती मगरलाई जिम्मेवारी दिने निर्णय गरेको छ ।
नेपाली कांग्रेस धनकुटाको उक्त बैठकले माघ मसान्त भित्रमा क्रियाशिल सदस्यता वितरण गरेर जिल्ला समितिमा बुझाउनका लागी समयावधि तोकेको र समुदायमा कांग्रेस अभियान धनकुाका सवै वडाहरुमा जिल्लाबाट खटिएका प्रतिनिधिहरुले वडाहरुमा र जिल्ला समितिले सातवटा पालिकामा र जिल्लामा कार्यक्रम गर्ने र राष्टिय सभाको निर्वाचनमा सत्ता गठबन्धनका उम्मेदवाहरलाई विजयी गराउन क्रियाशिल हुने निर्णय गरेको जिल्ला सचिव विजय सन्तोषी राईले वताउनु भयो ।
बैठकमा नेपाली कांग्रेस धनकुटा जिल्लाका पदाधिकारीहरु,जिल्ला सदस्यहरु,महासमिति तथा महाधिवेशन प्रतिनिधिहरु,भात्तु तथा सुभेच्छुक संस्थाका अध्यक्षहरुकोले आ आफ्नो धारणा राख्नु भएको थियो ।
