धनकुटाका राई सहित ४ जना पक्राउ
बिराटनगर, ८ माघ । धनकुटा र मोरङ जिल्लाको छुट्टाछुट्टै स्थानबाट प्रतिबन्धित लागुऔषध ब्राउनसुगर र ट्याब्लेट सहित ४ जनालाई प्रहरीले पक्राउ गरेको छ ।
हिजो धनकुटाको धनकुटा नगरपालिका – ७ बसपार्क स्थितमा जिल्ला प्रहरी कार्यलय धनकुटाबाट खटिएका प्रहरी टोलिले शंकालागि चेक जाँच गर्दा धनकुटा नगरपालिका – ७ बस्ने २१ वर्षिय किरण राईको साथबाट प्रतिबन्धित लागुऔषध ट्रामाडोल ३७० क्यापसुल र डिकोलिक ३६९ ट्याव्लेट फेला पारेसंगै निजलाई पक्राउ गरेको हो ।
यसैगरी मोरङको बिराटनगर महानगरपालिका – १५ स्थित एक नम्बर ढाटमा स्थित लागुऔषध नियन्त्रण ब्युरो बिराटनगरबाट खटिएको टोलिले भारतबाट नेपाल तर्फ आउदै गरेको पैदलयात्री मोरङ जहदा गाउपालिका- ५ लक्ष्मनीया बस्ने २६ वर्षिय रंजित कुमार शर्माको साथबाट ३ सय ४० मिलिग्राम लागुऔषध ब्राउनसुगर फेला पारी नियन्त्रणमा लिएको हो भने सुनसरी दुहवी नगरपालिका- ८ सोनापुर बस्ने २४ वर्षिय मो. शहवाज र सन्तोष सिहको साथबाट १ ग्राम ७ सय ५० मिलिग्राम लागुऔषध ब्राउनसुगर फेला पारी नियन्त्रणमा लिएको हो । लागुऔषध सहित पक्राउ परेको उनिहरुको सम्बन्धमा थप अनुसन्धान भईरहेको छ ।
