लेगुवा खोलामा झोलुंगे पुल निर्माण
धनकुटा । धनकुटाको महालक्ष्मी नगरपालिका वडा नं २ र ३ का आम नागरिकको सेवालाई मध्ये नजर गर्दै झोलुङ्गे पुल निर्माण गरिएको छ ।
पर्डेप नेपाल धनकुटाको प्राविधिक सहयोग तथा संघिय सरकार र महालक्ष्मी नगरपालिकाको संयुक्त लगानी ४३ लाख लागतमा लेगुवा खोलामा (लेगुवा झरना) झोलुंगे पुल निर्माण गरिएको हो ।
गत श्रावण महिनादेखी उपभोक्ता समिती मार्फत निर्माण कार्य थालिएको यो पुल निर्माणको काम हालै सम्पन्न भएको पर्डेप नेपाल धनकुटाका कार्यकारी निर्देशक मिन प्रसाद सुवेदीले जानकारी दिनुभयो ।
८४ मिटर लम्बाईको यो पुल निर्माण कार्य पूरा भएसँगै त्यस क्षेत्रका सर्वसाधारणलाई आवतजावतमा सजिलो हुने अपेक्षा गरिएको छ ।
