धनकुटाको सहिदभूमिमा अवस्थित आदर्श मावि सफाईधापमा पूर्व विद्यार्थी समाज गठन
धनकुटा । धनकुटाको सहिदभुमी गाउँपालिका वडा नं १ मा अवस्थित आदर्श मावि सफाईधापमा पूर्व विद्यार्थी समाज गठन गरिएको छ ।
विद्यालय व्यवस्थापन समितीको आयोजनामा भएको पूर्व विद्यार्थी भेलाले २०५३ सालमा सोही विद्यालयबाट एसएलसी उत्रिर्ण गर्नुभएका पूर्व विद्यार्थी भक्त खड्काको अध्यक्षतामा १० सदस्यीय पूर्व विद्यार्थी समाज गठन गरेको हो ।
समाजका अन्य सदस्यहरुमा भुपाल कार्की, अशोक राई, प्रेम राई, मिना राई, दूर्गा खड्का, काशीराम माझी, छत्र प्रसाद राई, मदन कुमारी राई र शक्ती राई रहेका छन् । एक सदस्य पछि थप गर्ने गरि समाज गठन गरिएको विद्यालयले जनाएको छ ।
भेलामा बोल्दै विद्यालय व्यवस्थापन समितकिा अध्यक्ष कृष्णभगत राईले विद्यालय र समाजको विकासका लागि नवगठित समिती कामयावी हुनुपर्ने धारणा राख्नुभयो ।
नवगठित समाजका अध्यक्ष खड्काले सो विद्यालयमा अध्ययन गरि विभिन्न क्षेत्रमा रहेका सबैलाई एकतावद्ध गराउने प्रतिवद्धा जनाउनु भएको छ ।
