धनकुटामा रहेका सरकारी कार्यालय अन्यत्र सार्न लागेको भन्दै क्रियाशिल राजनैतिक दलहरुको बिरोध कार्यक्रम
धनकुटा,१६ माघ । धनकुटामा रहेका सरकारी कार्यालयलाई अन्यत्र सार्न लागेको भन्दै धनकुटामा क्रियाशिल राजनैतिक दलले बिरोध गरेका छन् ।
सरकारले धनकुटामा रहेका विभिन्न कार्यालयलाई अन्यन्त्र सार्न लागेको भन्दै नेकपा एमाले जिल्ला कमिटी धनकुटाले केहि दिन अघि पत्रकार संमेलन गर्दे विरोधका कार्यक्रम सार्वजनिक गरेको थियो ।
त्यस अन्र्तगत आज नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राप्रपा, एकिकृत समाजवादी र जनता समाजवादी पाटीले धनकुटामा बिरोध सभाको आयोजना गरेको हुन् ।
सरकारले पाख्रिबास नगरपालिकामा रहेको राष्ट्रिय ब्यबसायिक कृषि अनुसन्धान कार्यक्रम र धनकुटा नगरपालिकामा रहेको तथ्यांक कार्यालयलाई अन्यत्र सार्न लागेको भन्दै राजनैतिकदलहरुले बिरोध गरेका हुन् ।
सरकारले अन्ुसन्धान कार्यालयलाई ईलाम र तथ्यांक कार्यालयलाई खोटाङ सार्न लागेको भन्दै त्यसको विरोध एमालेले सुरु गरेको नेकपा एमाले धनकुटाका अध्यक्ष तथा प्रदेश सांसद इन्द्रमणी पराजुलीले बताए ।
