पहिलो पटक जिल्ला मुकाम बाहिर राष्ट्रपति रनिङ शिल्ड प्रतियोगिता
धनकुटा । चौधौ संस्करणको धनकुटा जिल्लास्तरीय राष्ट्रपति रनिङ शिल्ड प्रतियोगिता धनकुटाको महालक्ष्मी नगरपालिकाले आयोजना गर्ने भएको छ ।
धनकुटामा पहिलो पटक जिल्लास्तरीय राष्ट्रपति रनिङ शिल्ड प्रतियोगिता जिल्ला सदरमुकाम बाहिर हुन लोगेको हो । यस अघिका सम्पुर्ण प्रसतियोगिताहरु धनकुटा सदरमुकाम स्थित तल्लो टुडिखेलमा आयोजना हुने गरेका थिए । यो पटक भने महाक्ष्मी नगरपालिकाले वडा नं. ४ स्थित चानुवा मावि दमारको खेलमैदानमा आयोजना गर्न लागेको हो ।
दमारमा माघ २६ देखि दुइ दिन सम्म प्रतियोगिता सञ्चालन हुने महालक्ष्मी नगरपालिकाले जनाएको छ । शिक्षा खेलकुद र पर्यटललाई सहयोग पुर्याउने उदेश्यले आयोजना गर्न लागिएको मेयर ध्रबराज रायले जानकारी दिनुभयो ।
प्रतियोगितामा धनकुटा जिल्ला भरिका सात पालिकावाट दुई सय बिद्यार्थी सहित पाँच सय बढि ब्यक्तिको सहभागिता रहने जनाइएको छ । दुई दिन सम्म लेगुवा तथा दमारमा बस्ने ब्यबस्था मिलाईएको समेत जनाउनु भयो ।
