धनकुटा र सुनसरी जिल्ला अदालतद्वारा सजाय तोकिएका एक जना फरार प्रतिवादी पक्राउ
बिराटनगर, माघ २६ । कोशी प्रदेश प्रहरी कार्यालय प्रादेशिक अनुसन्धान समूह (PIT) बाट खटिएको प्रहरी टोलीले लागुऔषध र चोरी मुद्धाका एक जना फरार प्रतिवादीलाई पक्राउ गरेको छ ।
लागुऔषध र चोरी मुद्धामा सम्मानित सुनसरी जिल्ला अदालतको मिति २०७८।०९।०९ गते र मिति २०७९।०३।२८ गतेको सजाय निर्धारण फैसला आदेशले लागुऔषध मुद्धामा ६ महिना २४ दिन कैद र चोरी मुद्धामा ८ महिना २ दिन कैद, नगद २० हजार रुपैँया जरिवाना तथा लागुऔषध मुद्धामा सम्मानित धनकुटा जिल्ला अदालतको मिति २०७२।१२।०३ गतेको सजाय निर्धारण फैसलाले १० महिना ८ दिन कैद र नगद ४ हजार रुपैँया जरिवाना बेरुजु रही फरार रहेका धरान उप-महनगरपालिका- १६ स्थायी घर भई हाल ईटहरी उप-महानगरपालिका- १ आँपगाछी स्थित बस्दै आएका ३२ बर्षीय जोन भन्ने टार्जन मगरलाई खोजतलास गर्ने क्रममा गाँउघरमा नै लुकिछिपी बसिरहेको अवस्थामा फेला पारी पक्राउ गरेको हो ।
पक्राउ परेका उनलाई सम्मानित सुनसरी जिल्ला अदालत उपस्थित गराईएको तोकिएको कैद तथा जरिवाना भुक्तानको लागि झुम्का कारगार पठाईएको छ ।
