धनकुटामा चौधौ संस्करणको राष्ट्रपति रनिङ शिल्ड प्रतियोगिता सुरु
धनकुटा । धनकुटामा आजवाट चौधौ संस्करणको राष्ट्रपति रनिङ शिल्ड प्रतियोगिता सुरु भएको छ ।
धनकुटाको महालक्ष्मी नगरपालिका वडा नम्बर ४ दमार स्थीत चानुवा माविको खेल मैदानमा प्रतियोगिता सुरु भएको हो । प्रतियोगितामा धनकुटा जिल्ला भरीका सात पालिकावाट तिन सय पचास भन्दा बढि बिद्यार्थीको सहभागीता रहेको छ ।
जिल्ला खेलकुद बिकास समिती को आयोजना तथा दमार माबिको संयोजनमा सुरु भएको सो प्रतियोगितामा १५ खेलका ३० इभेन्टमा खेल हुने आयोजकले जनाएको छ ।
महिला र पुरुष दुवैतर्फ हुने प्रतियोगिताका विजेताले प्रदेश स्तरीय राष्ट्रपति रनिङ शिल्ड खेलकुद प्रतियोगितामा भाग लिन पाउनेछन् । प्रतियोगिता पहिलो पटक जिल्ला सदरमुकाम बाहिर भएको हो । प्रतियोगिताको ब्यबस्थापन महालक्ष्मी नगरपालिकाले गरेको छ ।
दमारमा माघ २६ देखि दुइ दिन सम्म प्रतियोगिता सञ्चालन हुने छ । प्रतियोगिलाले खेल क्षेत्रलाई मात्र नभई शिक्षा र पर्यटललाई समेत सहयोग पुर्याउने मेयर ध्रबराज रायले जानकारी दिनुभयो ।
उद्घाटन समारोहमा धनकुटाका प्रदेश सभा सदश्य, प्रालिका प्रमुख खेल प्रशिक्षक खेलाडि शिक्षक तथा बिभिन्न स्कुलका बिद्यार्थीको सहभागिता रहेको छ ।
