ल्होछार पर्वले भगवान गौतम वुद्धको ज्ञान र उपदेश विश्व भर पुर्याउन मदत पुर्याउछ :पूर्वमन्त्री राई
धनकुटा । कोशी प्रदेश पूर्व आर्थिक मामिला राज्य मन्त्री निरन राईले कुनैपनि देश विना शान्ति समृद्ध हुन नसक्ने बताउनु भएको छ ।
तामाङ समुदायको मौलिक धार्मिक एवम् साँस्कृतिक पर्व सोनाम ल्होछारको अवसरमा धनकुटा नगर घेदुङले शनिवार ह्रिन्छेन छ्योलिङ गुम्बामा आयोजना गरेको शुभकामना आदानप्रदान कार्यक्रमलाई सम्बोधन गर्दै उहाँले त्यस्तो बताउनु भएको हो ।
उहाँले कुनैपनि देश विना शान्ति समृद्ध हुन नसक्ने भन्दै भगवान गौतम वुद्धको शान्तिको सन्देश संसारभर फैलिदै जावस भन्ने शुभकामना मन्तव्य राख्नु भएको थियो । पूर्व मन्त्री राईले गुम्बा निर्माणमा आफ्नो तर्फबाट पहल भईरहेको जानकारी दिदै आगामी दिनमा साथ सहयोग रहने प्रतिवद्धता व्यक्त गर्नुभयो । उहाँले वौद्व धर्म संग सम्बन्धित ल्होछार पर्वले भगवान गौत्म वुद्धको ज्ञान र उपदेश विश्व भर पुर्याउन मदत पुर्याएको बताउनुभयो ।
धनकुटा नगर घेदुङ अध्यक्ष कुल बहादुर तितुङ तामाङको अध्यक्षतामा भएको कार्यक्रममा वडा अध्यक्ष जम्शेर छारा, नेपाल तामाङ घेदुङका केन्द्रीय सदस्य विष्णु मोक्तान , नेपाल पत्रकार महासंघ अध्यक्ष नगेन्द्र राई , जसपा जिल्ला अध्यक्ष पार्वती राई लगायत विभिन्न एकलजातिय संघ संगठन , समाजसेवी तथा सामाजिक व्यक्तित्वहरुले शुभकामना मन्तव्य राखेका थिए ।
कार्यक्रममा जिल्लामा रहेको विभिन्न सामाजिक संघ संस्था, सरोकारवला निकायका प्रमुख, सुरक्षाकर्मी लगायत स्थानीय बासीको उपस्थिती थियो । कार्यक्रममा स्थानीय कलाकारहरुले साँस्कृतिक झाँकी प्रस्तुत गरेका थिए ।
