धनकुटाको कैलेनी खोलामा १२० मिटर लामो झोलुङ्गे पुल निर्माण
धनकुटा । धनकुटा नगरपालिका वडा नं १ कैलेनी खोलामा १२० मिटर लामो झोलुङ्गे पुल निर्माण गरिएको छ । संघिय सरकार र धनकुटा नगरपालिकाको संयुक्क्त लगानीमा पुल निर्माण गरिएको हो । त्यस क्षेत्रका ४४८ घरधुरी संख्याका २ हजार १ सय ८९ जनसंख्यालाई लक्षित गरि ६५ लाख बढी लागतमा पुल निर्माण गरिएको हो ।
यो पुलको निर्माण कार्य हालै मात्र पुरा भएको पुल निर्माणका लागि प्राविधिक कामको जिम्मा पाएको संस्था पर्डेप नेपाल धनकुटाका कार्यकारी निर्देशक मीन प्रसाद सुवेदीले जानकारी दिनुभयो ।
यो पुल बनेसँगै त्यस क्षेत्रका स्थानियलाई आफ्नो कृषि उपज, तरकारी तथा फलफुल जन्य सामाग्री बजारसम्म निकाल्न सजिलो हुने अपेक्षा गरिएको छ ।
हाल जिल्लाको शहिदभुमी गाउँपालिका ३ रोगे खोला, धनकुटा नगरपालिका ८ र छथरजोरपाटी गाउँपालिका ३ लाई जोड्ने तांखुवा लगायत स्थानमा झोलुङ्गे पुल निर्माणको काम भईरहेका छन् ।
महालक्ष्मी नरपालिकाको लेगुवा खोला,पाख्रीवास नगरपालिकाको छेंगुवा खोलामा यस्ता पुल बनिसकेको पर्डेप नेपाल धनकुटाले जनाएको छ ।
